O‘zbekistonda QIWI'dan foydalanishga ruxsat berildi
Mazkur faoliyat to‘lov tashkiloti litsenziyasiga ega bo‘lgan “Payment Aggregation Systems” MCHJ tomonidan amalga oshiriladi.
Bu haqda Markaziy bank matbuot xizmati xabar berdi.
Unda keltirilishicha, “QIWI Uzbekistan” elektron pullar tizimi faoliyatini tashkil etish hamda “Kapitalbank” aksiyadorlik tijorat banki tomonidan taqdim etilgan hujjatlar o‘rganib chiqildi.
Bundan tashqari, mazkur elektron pullar tizimining emitenti sifatida elektron pullarni chiqarish faoliyati bo‘yicha ham loyihalar ko‘rib chiqildi.
Natijada “O‘zbekiston Respublikasi hududida elektron pullarni chiqarilishi va muomalada bo‘lishi qoidalari”ga ko‘ra, “QIWI Uzbekistan” elektron pullar tizimi Markaziy bankning “Elektron pullar tizimi” reyestriga kiritilib, elektron pullarning chiqarish faoliyatiga ruxsat berildi.
Eslatib o‘tamiz, avvalroq “Bolalar puli”ni olish oila aʼzolariga taqsimlanadigan oylik daromadga bog‘liqligi hamdaTelegram‘da xayriya mablag‘larini yig‘ish funksiyasi ishga tushgani haqida xabar berilgan edi.
Cho‘lponoy Ahmedova
