Liverpulda taksi haydovchisi katta teraktning oldini oldi
Hodisa shifoxona yaqinida sodir bo‘lgan.
Liverpulda shifoxona yaqinida avtomobil portlab ketdi. Oqibatda, bir kishi halok bo‘lgan.
Shundan keyin olib borilgan qidiruv-surishtiruv ishlari natijasida uch kishi ushlangan. Ularning yoshi 21, 16 va 29 atrofida bo‘lib, ular terrorizmga qarshi kurash to‘g‘risidagi qonun doirasida qo‘lga olingan.
So‘nggi maʼlumotlarga ko‘ra, portlatilgan mashina taksi avtomobili bo‘lgan. Haydovchi so‘nggi daqiqada mashinani qulflagan va terrorchining tushishiga imkon bermagan. Oqibatda bomba avtomobilning o‘zida portlagan va terrorchining o‘zi halok bo‘lgan. Haydovchi esa yaralangan.
Hozirda Britaniya huquqni muhofaza qiluvchi organlari hodisani terakt sifatida baholamayapti. Shu bilan birga terrorizmga qarshi kurash bo‘linmasi hech qaysi variant inkor qilinmayotganini maʼlum qilgan. Portlash sodir bo‘lgan ayollar gospitalida vaqtinchalik bemorlarni qabul qilish taqiqlab qo‘yildi.
Avvalroq Afg‘oniston shimolida portlash sodir etilgani xabar qilingandi.
Jahongir Qo'ziyev
