Афғонистоннинг Қундуз вилоятида портлаш содир бўлди. Бу ҳақда “Риа Новости” хабар берди.
Ҳозирда аниқ жабрланганлар сони маълум эмас. Маҳаллий манбалар камида 7 киши ҳалок бўлганини айтмоқда. Шу билан бирга 6 киши жароҳатланган.
Ҳодисага эски снаряднинг портлаб кетгани сабаб бўлган. Қурбонлар орасида болалар ҳам бўлиши мумкин.
Афғонистонда сўнгги ойларда кўплаб портлашлар ва терактлар авж олган. Хусусан, 2 ноябрь куни Кобулда теракт содир этилган. Оқибатда, 20 дан ортиқ одам ҳалок бўлган. Уларнинг орасида “Толибон” олий ҳарбий раҳбарларидан бири ҳам бор. Ушбу терактга жавобгарликни ИШИД ўз зиммасига олди.
Аввалроқ АҚШ томонидан тайёрланган афғон ҳарбийлари ИШИД сафига қўшилаётгани хабар қилинганди.
Жаҳонгир Қўзиев