“O‘zdonmahsulot” tugatilishi rasman tasdiqlandi
“O‘zdonmahsulot” AK tizimidagi korxonalar tadbirkorlik subyektlariga sotilgach, “O‘zdonmahsulot” AKni maʼlum tartibda tugatish to‘g‘risida Vazirlar Mahkamasiga taklif kiritadi.
Prezident “G‘alla yetishtirish va sotishda erkin raqobatni taʼminlaydigan bozor tamoyillarini joriy etish to‘g‘risida”gi qarorni imzoladi.
Iqtisodiy taraqqiyot va kambag‘allikni qisqartirish vazirligi, Moliya vazirligi va Davlat aktivlarini boshqarish agentligining:
2021 – 2022 yillarda “O‘zdonmahsulot” AK tizimidagi don korxonalarini g‘allachilik klasteri tashkil etish taklifini bildirgan tadbirkorlik subyektlariga sotish uchun baholash va faoliyat yo‘nalishini o‘zgartirmaslik shartida ochiq savdolarga qo‘yish;
“O‘zdonmahsulot” AK tizimidagi don korxonalariga tegishli 20 ta urug‘lik don tayyorlash sexlari qarzdorligini obeʼktning baholangan qiymati hisobiga to‘ldirish belgilangan.
Mazkur korxonalarning soliq va Jamg‘arma oldidagi qarzdorligini, yaʼni, ular bo‘yicha hisoblangan penyalar, shuningdek, obyektni o‘tkazish natijasida yuzaga keladigan soliqlarni ham inobatga olgan holda Urug‘chilikni rivojlantirish markaziga berish va to‘liq modernizatsiya qilish to‘g‘risidagi takliflariga rozilik berildi.
Unga ko‘ra, qarzdorlik mavjud bo‘lmagan hollarda obyektlar “O‘zdonmahsulot” AKdagi davlat ulushi va “O‘zdonmahsulot” AKning don korxonalaridagi ulushini tegishincha kamaytirish hisobiga berilishi rejalashtirilgan.
Eslatib o‘tamiz, avvalroq “UzAuto Motors” “Chevrolet Lacetti”larini nega don omborlarida saqlanayotgani hamda Meva-sabzavotchilik klasterlari ham davlat tomonidan qo‘llab-quvvatlanishi haqida xabar berilgandi.
Cho‘lponoy Ahmedova
