Erkak to‘qqiz yoshli qizni onasining ko‘z o‘ngida o‘ldirdi

 

Kabardin-Balkariyada erkak jahl ustida 9 yoshli o‘gay qizini boshini yerga urib o‘ldirib qo‘ydi. Bu haqda kavkaz.mk.ru xabar qildi. 

 

Maʼlum bo‘lishicha, erkak doimiy ravishda oilasiga zulm o‘tkazib kelgan. O‘sha kuni mast xolda uyga kelib o‘gay qizini urgan. Qiz onasiga o‘gay otasining shafqatsizligidan shikoyat qilgan. Bu erkakning g‘azabini qo‘zg‘atgan. U o‘gay qizini xonasiga chaqirgan va u yerda qizning boshini polga bir necha marta urgan. Qizcha o‘zini yomon his qilgan, ammo onasi shifokor chaqirmay qizni uxlatishga yotqizgan.

 

Ertasi kuni qiz qayta uyg‘onmagan . Ota-onasi tez yordam mashinasini chaqirgan. Ikkalasi ham bolaning o‘limi baxtsiz hodisa natijasida sodir bo‘lganini daʼvo qilgan.

 

"Ayol va uning norasmiy turmush o‘rtog‘i tergovni chalg‘itish maqsadida qizchani bir kun avval daraxtdan o‘zi yiqib tushganini sabab qilib ko‘rsatishgan" — deyiladi respublika tergov boshqarmasi xabarida.

 

Biroq ekspertiza qizni qasdan o‘ldirilganini aniqladi. Mazkur holat yuzasidan Rossiya Federatsiyasi Jinoyat kodeksining 105-moddasi (“voyaga yetmagan bolani o‘ldirish”) bilan jinoyat ishi qo‘zg‘atilgan.

 

Shuningdek surishtiruv davomida ayol spirtli ichimliklarga ruju qo‘ygani va 6 ta farzandiga deyarli eʼtibor qaratmaganligi maʼlum bo‘ldi. Ayolning qolgan 5 ta farzandi davlat qaramog‘iga o‘tkazildi.

 

Avvalroq, O‘z otasi va uning rafiqasini o‘ldirgan chustlik farzandga sud hukmi o‘qilgani  hamda Qashqadaryoda erkak o‘z o‘g‘lini o‘ldirib qo‘ygani haqida xabar bergandik.

 

Munojat Valiyeva