Бу ҳақда вилоят Ички ишлар бошқармаси ахборот хизмати хабар қилди. Маълум бўлишича, Чироқчи туман ички ишлар бўлими навбатчилик қисмига 25 август куни Тарағай маҳалласида қотиллик юз бергани ҳақида хабар келиб тушган. Тезкор гуруҳ воқеа жойига етиб бориб, ҳолатни ўрганганда 24 августдан 25 августга ўтар кечаси соат 00:00 атрофида А.Б. исмли эркак уйига келгани, уйда спиртли ичимлик истеъмол қилиб, маст ҳолатда бўлган ўғли билан тортишиб қолиб, темир бўлаги билан уриб, оғир тан жароҳати етказгани аниқланган.
Қайд этилишича, ўғил 25 август соат 03:00 атрофида яшаш уйида вафот этган.
Таъкидланишича, ҳолат юзасидан унга нисбатан Жиноят кодексининг 104-моддаси (Қасддан баданга оғир шикаст етказиш) 3-қисми «д» банди билан жиноят иши қўзғатилиб, дастлабки тергов ҳаракатлари олиб борилмоқда.
Аввалроқ, Навоий шаҳрида маст ука акасини ўлдириб қўйгани ҳақида хабар берган эдик.