“Choy-chaqa”ga yetsa bo‘ldi(mi?)
Termizda qo‘shmachi ayol 20 ming so‘m evaziga voyaga yetmagan qiz va begona erkakka uyidan “panoh” berdi.
Termiz shahrida "A.Jomiy" mahallasida yashovchi S.Salomat tanishi Termiz tumanida yashovchi, 18 yoshga to‘lmagan K.Sofiyaning S.Sobir ismli yigit bilan jinsiy aloqa qilishi uchun uyida sharoit yaratib bergan. Buning uchun ayol mijozlardan 20.000 (yigirma ming) so‘mdan olgan.
Mazkur holat yuzasidan qo‘shmachilikda ayblanayotgan S.Salomatga nisbatan Jinoyat kodeksining 131-moddasi 4-qismi “a” bandi va S.Sobirovga nisbatan Jinoyat kodeksining 128-moddasi 1-qismi bilan jinoyat ishi qo‘zg‘atilgan.
Avvalroq Toshkentda 359 nafar ayol fohishalik bilan shug‘ullangani uchun javobgarlikka tortilgani hamda Navoiyda ayol va erkakning zino qilishiga sharoit yaratib bergan ayolga chora ko‘rilgani haqida xabar berilgandi.
Munojat Valiyeva
