Тошкентда 359 нафар аёл фоҳишалик билан шуғуллангани учун жавобгарликка тортилди
Тошкент шаҳрида ўтказилаётган «Хавфсиз пойтахт» махсус профилактик тадбирлари давомида фоҳишалик билан шуғуллангани учун август ойи бошидан буён 359 нафар аёл маъмурий жавобгарликка тортилди. Бу ҳақда Тошкент шаҳар ИИББ матбуот хизмати хабар берди.
Хусусан, Чилонзор туманида ўтказилган тунги рейд давомида ҳуқуқни муҳофаза қилувчи органлар томонидан шундай енгил табиатли аёллар қўлга олинган. Улардан бемаҳалда нима қилиб юргани сўралганда тайинли жавоб бера олишмаган.
Шунингдек, жиноят қидирув бўлими ходимлари томонидан қўшмачилик қилиш ёки фоҳишахона сақлаш билан боғлиқ 26 та ҳолат фош этилган.
Бундан аввал Самарқандда 33 ёшли аёл ўз хонадонини фоҳишахонага айлантиргани ҳамда Чилонзорда фоҳишалик билан шуғулланган аёллар ва уларнинг ҳайдовчилари ушлангани ҳақида хабар берилганди.
