Viskonsin shtatining Uokesh shahrida haydovchi yuk avtomobilida odamlarni bosib ketdi
40 tadan ortiq odam jarohatlangan, 5 ta odam qurbon bo‘lgan.
AQSHning Viskonsin shtatida tashkil etilgan Rojdestvo bayram paradida haydovchi politsiya tomonidan o‘rnatilgan to‘siqlarni katta tezlikda buzib, odamlar ustidan bosib o‘tib ketgan. Bu haqda "Mir 24" xabar berdi.
Qurbonlar orasida aksariyat bolalar, orkestr aʼzolari va raqs guruhi aʼzolari ham bor.
O‘t o‘chirish xizmati boshlig‘i Stiven Xovardnig bergan maʼlumotiga ko‘ra, Uokesha shahar yong‘in xavfsizligi boshqarmasi va uning hamkorlari jami 12 nafar bola va 11 nafar katta yoshli fuqarolar kasalxonaga yetkazilgan. Qolgan yengil tan jarohat olganlar esa o‘zlari shifoxonaga murojaat qilishgan. Shuningdek bayonotda jarohatlanganlar haqida berilgan umumiy raqam o‘zgarishi mumkinligi qayd etib o‘tilgan.
Shtat politsiya rahbari Den Tompsonning aytishicha, mashina allaqachon topilgan va gumondor qo‘lga olingan. Hozirda tergov ishlari olib borilmoqda.
Avvalroq, AQSHda 11-sentabr teraktiga oid hujjatlar oshkor qilingani hamda AQSHda 5 nafar jurnalist qotiliga 345 yil qamoq jazosi tayinlangani xaqida xabar berilgandi.
Munojat Valiyeva
