Farg‘onada aholi ehtiyoji uchun yuqori bo‘lgan mahsulot g'oyib bo'ldi
S.M. ismli ayol IIBga o‘ziga tegishli bo‘lgan shifoxonada sodir bo'lgan o‘g‘irlik yuzasidan murojaat qilgan.
Ayolning aytishicha, 17-noyabr kunidan 19-noyabr kunigacha bo‘lgan vaqt oralig‘ida shifoxonadan jami narxi 12.500.000 so‘mga teng bo‘lgan kislorod ballonlari yo‘qolgan.
Mazkur holat yuzasidan Farg‘ona shahar IIO FMB huzuridagi tergov bo‘limi tomonidan Jinoyat kodeksining 169-moddasi 2-qismi "g" bandi (o‘g‘irlik) bilan jinoyat ishi qo‘zg‘atilgan.
Olib borilgan tezkor qidiruv harakatlari davomida ushbu jinoyatni Sh.Q. sodir etgani aniqlanib, protsessual tartibda ushlangan. Hozirda tergov harakatlari olib borilmoqda.
Avvalroq Toshkentda bankomatni buzib, ichidan 165 million so‘m o‘g‘irlagan shaxs ushlangani hamda Toshkentda shinalar o‘rniga g‘isht qo‘yib ketayotgan o‘g‘irilar qo‘lga tushgani haqida xabar berilgandi.
Munojat Valiyeva
