1-yanvardan "Toshkent metropoliteni" xodimlariga qo‘shimcha to‘lovlar joriy etiladi
Shu orqali ularning oylik daromadlari miqdori oshiriladi.
O‘zbekiston Respublikasi Prezidentining 2021 yil 16 oktabrdagi "Toshkent metropoliteni faoliyatining samaradorligini oshirish chora-tadbirlari to‘g‘risida"gi PQ-5260 - sonli qarori talablariga asosan "Toshkent metropoliteni" DUK boshlig‘i Usmanov Rahmonbek tomonidan "Toshkent metropoliteni" DUK xodimlariga 2022-yil 1-yanvardan boshlab qo‘shimcha rag‘batlantirish to‘lovlari joriy etish orqali ularning oylik daromadlari miqdorini oshirish to‘g‘risida buyruq imzolandi. Bu haqda "Toshkent metropoliteni" matbuot xizmati maʼlum qildi.
Shuningdek, 2022-yil fevral oyida "Toshkent metropoliteni" DUK rahbar va muhandis-texnik xodimlarini navbatdan tashqari attestatsiyadan, ishchi va xizmatchilarning bilimlari malaka komissiyalarida sinovdan o‘tkazish, attestatsiya vaqtida xodimning nazariy va amaliy bilimlarini sinovdan o‘tkazish rejalashtirilgan.
Avvalroq, Toshkentda yangi metro poyezdlari ishga tushirilgani hamda 1 dekabrdan Toshkent metrosida jetonlar qabul qilinmasligi haqida xabar berilgandi.
Munojat Valiyeva
