Rossiyaning uchta harbiy-transport samolyoti Afg‘onistonga fuqarolarni evakuatsiya qilish va gumanitar yordam yetkazish uchun uchib ketdi
Har bir samolyotda Afg‘oniston aholisi uchun gumanitar yuklar joylashtirilgan.
Bu haqda Rossiya mudofaa vazirligiga tayanib, “Ria Новости” xabar berdi.
"TASS" xabariga ko‘ra, birinchi samolyot Kobul aeroportiga qo‘ngan. Shuningdek, gumanitar yordam olib borgan samolyotida Afg‘onistondan fuqarolarni evakuatsiya qilish ham ko‘zda tutilgan.
Kreml matbuot kotibi Dmitriy Peskovning maʼlumotiga ko‘ra, Rossiya prezidenti Vladimir Putin noyabr oyida Mudofaa vazirligiga Afg‘onistondan kechayotgan notinch vaziyatda chiqib ketishi kerak bo‘lgan fuqarolarni evakuatsiya qilish kerakligi bo‘yicha ko‘rsatma bergan.
Avvalroq, Rossiya Mudofaa vazirligi mamlakat prezidenti Vladimir Putinning ko‘rsatmasiga binoan Afg‘onistondagi 500 dan ortiq Rossiya, ODKB (Kollektiv xavfsizlik shartnomasi tashkiloti) va Ukraina fuqarolarini evakuatsiya qilgani haqida xabar berilgandi.
Munojat Valiyeva
