Nigeriyada qayiqning halokatga uchrashi natijasida 29 kishi qurbon bo‘ldi
Qurbonlar orasida maktab o‘quvchilari bor.
Nigeriyaning Kano shtatida yo‘lovchi qayig‘ining halokatga uchrashi oqibatida kamida 29 kishi halok bo‘ldi. Bu haqda BBS mahalliy hokimiyatga tayanib xabar bergan.
Qayiq daryo bo‘ylab Badau aholi punktidan Bagvay aholi punkti tomon ketayotgan bo‘lib, ularning orasidagi masofa taxminan 5 kilometrni tashkil qiladi.
Guvohlarning so‘zlariga ko‘ra, qayiq haddan tashqari yuklangan – unda 50 ga yaqin odam diniy marosimga ketayotgan bo‘lgan.
Halok bo‘lganlar orasida bolalar ham bor. Hozirgacha 29 kishining jasadi topilgan, 7 kishi qutqarildi, qolganlar bedarak yo‘qolgsn deb hisoblanmoqda.
Avvalroq Nigeriyada Niger daryosida qayiqning ag‘darilishi oqibatida kamida 26 kishi halok bo‘lgan, yana 98 nafar yo‘lovchi bedarak yo‘qolgan edi.
Bundan oldin Kongoda qo‘lbola yasalgan kema daryoda halokatga uchragan edi. Buning oqibatida 51 kishi halok bo‘ldi, 69 kishi bedarak yo‘qolgan.
Nasiba To‘xtayeva
