Qidiruvda bo‘lgan o‘zbekistonlik fuqaro Rossiyada qo‘lga olindi
U Qashqadaryo viloyatida 2 turdagi jinoyatni sodir etgan.
Qashqadaryo viloyatida qotillik, bosqinchilik jinoyatlarini sodir etib, qochib yurgan shaxs Rossiyada ushlandi. Bu haqda viloyat IIB axborot xizmati xabar berdi.
Maʼlum qilinishicha, Kasbi tumani “Mug‘lon” mahallasida ro‘yxatda turuvchi H. H. Jinoyat kodeksining 97-moddasi 2-qismi “j”, “i”, "o", “p” bandlari va 164-moddasi 3-qismi "v" bandida ko‘rsatilgan jinoyatlarni sodir etgani uchun unga nisbatan Qarshi shahar prokuraturasi tomonidan qidiruv eʼlon qilingan.
IIV JQBB va viloyat IIB JQB xodimlari tomonidan olib borilgan hamkorlik natijasida H.H. Rossiya Federatsiyasining Orenburg viloyati Bugruslan shahridan ushlangan.
Qayd etilishicha, jinoyat sodir etgan shaxs hozirda qonun oldida javob bermoqda.
Avvalroq olti nafar o‘zbekistonlikni qullikka sotgan shaxsning ushlangani va Toshkentda imkoniyati cheklangan qizni kaltaklagani uchun qidiruvga berilgan 27 yoshli yigitning qo‘lga olingani xabar qilingandi.
Javohirbek Tursunov
