Osiyo taraqqiyot banki O‘zbekistonga kichik va o‘rta biznesni rivojlantirish uchun qarz ajratadi

 

Bu haqda mazkur bank Matbuot xizmati xabar berdi. 

 

Davlat idoralariga dastur doirasidagi islohotlarni amalga oshirish uchun 250 ming texnik yordam taqdim qiladi.

 

Osiyo taraqqiyot banki O‘zbekistonga mamlakatdagi kichik va o‘rta biznes uchun qulay muhitni yaxshilash bo‘yicha islohotlarni amalga oshirishda 100 million dollarlik siyosatga asoslangan kreditni maʼqulladi.

 

Kredit OTBning kichik va o‘rta korxonalarni rivojlantirish dasturining birinchi kichik dasturini moliyalashtiradi. Shuningdek, bankning ushbu loyihasi  2 ta kichik dasturni o‘z ichiga oladi.

 

Jumladan, birinchi kichik dasturda kredit resurslari cheklangan subyektlar faoliyatini kengaytirishga yordam berish uchun mavjud moliyaviy vositalarni diversifikatsiya qilishni va ular olishi kerak bo‘lgan ruxsatnomalar va litsenziyalar sonini qisqartirishni reja qilgan.

Masalan, savdo operatsiyalari xarajatlarini kamaytirish va raqamlashtirishni oshirish 13 500 ga yaqin ish o‘rinlarini yaratishga yordam berishi ko‘zda tutilgan.

 

OTB Markaziy va G‘arbiy Osiyo bo‘yicha bosh direktori Yevgeniy Jukov mazkur sarmoya bo‘yicha shunday deydi:

 

“O‘zbekiston bozor iqtisodiyotiga o‘tish jarayonini jadallashtirishda davom etmoqda va kichik va o‘rta korxonalar mamlakatda iqtisodiy o‘sish va ish o‘rinlarini taʼminlashga salmoqli hissa qo‘shmoqda”.

 

Mamlakatda kichik va o‘rta korxonalar yalpi ichki mahsulotning yarmidan ko‘prog‘ini tashkil qiladi. Vaholanki bu  rasmiy va norasmiy ish o‘rinlarining uchdan ikki qismini taʼminlab beradi. Berilgan qarz kichik va o‘rta biznes uchun raqamli yechimlarni joriy etish orqali  yana 250 ming dollari miqdoridagi texnik yordam grantini qo‘lga kiritish imkonini ham yaratadi.

 

Eslatib o‘tamiz, avvalroq  O‘zbekiston energetika tizimi uchun 81,6 million dollar ajratilishi hamda O‘zbekiston elektr energetika sohasi uchun YTTBdan 81,6 million yevro qarz olayotgani haqida xabar berilgandi.

 

 

Cho‘lponoy Ahmedova