Turkiyada yo‘lning sirpanchiqligi sabab avtobus ag‘darildi
Ikki kishi halok bo‘lgan, 24 nafar inson yaralandi.
Turkiya shimolidagi Amasiya shahri yaqinida sodir bo‘lgan yo‘l-transport hodisasi oqibatida ikki kishi halok bo‘ldi, kamida 24 kishi jarohat oldi, deb xabar bermoqda Milliyet.
Hodisa Gokheyuk hududidagi Amasiya-Korum avtomobil yo‘lida sodir bo‘lgan. Dastlabki maʼlumotlarga ko‘ra, yo‘lovchi avtobusi haydovchisi sirpanchiq yo‘lda boshqaruvni yo‘qotgan. Oqibatda transport vositasi ag‘darilgan. Qayd etilishicha, ikki jabrlanuvchining ahvoli og‘ir. Amasiya-Korum avtomagistrali vaqtincha yopildi.
Eslatib o‘tamiz, avvalroq Meksikada yuzdan ortiq muhojirni olib ketayotgan tirkamali yuk mashinasi halokatga uchrashi oqibatida 5 kishi qurbon bo‘lgan.
Shuningdek, Meksikada o‘tgan oyda sayyohlik avtobusi tormozi ishlamay qolishi oqibatida halokatga uchragandi.
