Shifokor Saakashvili nogiron bo‘lib qolishi aytdi
Mutaxassisning so‘zlariga ko‘ra, Saakashvilida travmadan keyin ruhiy buzilish va stress mavjud.
Gruziyada shifokor Otar Toidze jurnalistlarga mamlakatning sobiq prezidenti Mixail Saakashviliga xorijdagi klinikalarda davolanish kursi kerakligini, aks holda uning ahvoli jiddiy yomonlashishi mumkinligini maʼlum qilgan.
Shifokor O.Toidze:
“Agar sobiq prezident o‘zining sog‘lig‘i uchun xorijda davolanmasa, turli asoratlar bilan bir umrga nogironga aylanishi mumkin”.
Shifokor, shuningdek, Saakashvilini davolanish uchun olib ketish imkoniyati bo‘yicha bir qancha xorijiy klinikalarga so‘rovlar, xatlar yuborilganini ham qo‘shimcha qildi.
“Empatiya” tashhisi qo‘yilgan Saakashvili ayni damda Gori shahridagi harbiy gospitalda 3 ta guruh shifokorlari nazorati ostida.
Gruziya xalq himoyachisi guruhi shifokorlari esa sobiq prezidentning xorijda davolanishiga ehtiyoj sezmayotgani va uning ahvoli qoniqarli va hatto yaxshilanib borayotganini aytishdi.
Maʼlumot uchun: Saakashvilining hozirgi sog‘lig‘iga yordam berishini so‘rab, shifokorlar Germaniyaga ham xat yozishgan. Ammo hali javob kelmaganini bildirishgan.
Eslatib o‘tamiz, avvalroq AQSH Gruziyani Saakashviliga nisbatan adolatli munosabatda bo‘lishga chaqirgani hamda bir guruh deputatlar Saakashvilini qo‘llab-quvvatlab ochlik eʼlon qilgani haqida xabar berilgandi.
Cho‘lponoy Ahmedova
