400 ga yaqin Markaziy Osiyo muhojirlari 40 yilga Rossiyadan “deport” qilindi
Bu haqda Rossiya Ichki ishlar vazirligi maʼlum qildi.
Qayd etilishicha, Rossiya Ichki ishlar vazirligi 400 ga yaqin muhojirning janjal va boshqa qonunbuzarliklar uchun Rossiyaga kirishini 40 yilga taqiqlanganini maʼlum qildi.
Moskvada bunday tadbirlarda qatnashgan 400 ga yaqin kishiga nisbatan maʼmuriy chora ko‘rildi. Ular deportatsiya qilindi va mamlakatga kirishlari 40 yilga yopildi.
Maʼlumot uchun: joriy yilning avgust oyida Moskva markazidagi Baumanskaya ko‘chasida kamida 10 kishi ommaviy mushtlashuv uyushtirgan va unda Markaziy Osiyo davlatlaridan kelgan muhojirlar ishtirok etgan. Pogranichnaya ko‘chasida otishma bo‘lgan. Unda 40 ga yaqin xorijlik, asosan, Markaziy Osiyo davlatlaridan kelgan fuqarolar ishtirok etgan.
Eslatib o‘tamiz, avvalroq Moskva viloyatida muhojirlar o‘rtasida ommaviy mushtlashuv sodir etilgani hamda mushtlashuvda ishtirok etgan 50 nafarga yaqin migrant “deport” qilingani haqida xabar berilgandi.
Cho‘lponoy Ahmedova
