Murod Xonto‘rayev fojiasida uning o‘zi aybdor deb topildi
Jinoyat ishi esa tugatildi.
Toshkent viloyati Ichki ishlar bosh boshqarmasining ma’lum qilishicha, Murod Xonto‘rayev YTH oqibatida vafot etganligi, u bilan birga bo‘lgan yoki YTHning boshqa ishtirokchilariga o‘rtacha, o‘g‘ir jarohat yetmagani hamda o‘lim holati kuzatilmagani sababli ayblilik masalasi bo‘yicha Murod Xonto‘rayev tomonidan Yo‘l harakati qoidalarining 3-, 4-, 73-, 77- hamda 79-bandlari buzilganligi inobatga olinib, haydovchi Xonto‘rayev mazkur YTHning sodir etilishiga sabab bo‘lib, o‘zi vafot etgani tufayli va ishda jinoyat tarkibiy elementlari mavjud bo‘lmagani inobatga olinib, olib borilgan dastlabki tergov yakuniga ko‘ra, qo‘zg‘atilgan jinoyat ishi 2021-yilning 30-sentabr kuni Jinoyat protsessual kodeksining 83-moddasi 2-bandiga asosan harakatdan tugatilgan.
Ma'lumot uchun: “Osiyo ayig‘i” nomi bilan tanilgan MMA jangchisi, O‘zbekiston MMA assosiasiyasi vitse-prezidenti Murod Xonto‘rayev ishtirokidagi YTH 2021-yilning 19-iyul kuni Toshkent viloyati Bo‘stonliq tumanida sodir bo‘lgandi. Bir yo‘nalishda harakatlanib ketayotgan "Lacetti" hamda “BMW X5” rusumli avtomobillar ishtirokidagi to‘qnashuvda “BMW X5” yo‘ldan chiqib ketib, ag‘darilgan.
Hodisa oqibatda “BMW X5” haydovchisi, 1987-yilda tug‘ilgan Murod Xonto‘rayev voqea joyida vafot etgan.
