Daniya bilan Niderlandiya ham Pekin Olimpiadasini baykot qildi
Bu mamlakatlar Xitoyga o'z delegatsiyasini yubormaydi.
Daniya va Niderlandiya Pekin qishki Olimpiada o‘yinlarining diplomatik boykotiga qo‘shildi, deb yozadi “Interfaks”.
Qayd etilishicha, Niderlandiya Pekinga hukumat delegatsiyasini yubormaydi, chunki Xitoy musobaqaga xorijlik tomoshabinlarni kiritmaslikka qaror qilgan. Daniya Xitoyda inson huquqlari buzilishiga norozilik bildirish uchun o‘yinlarni boykot qilishga qaror qildi.
Avvalroq AQSH, Yaponiya, Buyuk Britaniya va Kanada ham xuddi shunday qaror qabul qilgan edi.
Malumot uchun: 2022-yilgi qishki Olimpiya o‘yinlari Pekinda 4-20 fevral kunlari bo‘lib o‘tadi. O‘yinlarning ochilishida Rossiya Prezidenti Vladimir Putin ishtirok etishi kutilmoqda.
Avvalroq Xalqari Olimpiya qo‘mitasi Pekin Olimpiadasini boshqa sanaga qoldirishni so‘ragani xabar qilingan edi.
