Пекин Олимпиадаси бошқа санага кўчириладими?
Швейцария Олимпия қўмитаси Пекин Олимпиадасини бошқа санага қолдиришни сўрамоқда.
Швейцария олимпия қўмитаси Халқаро олимпия қўмитасидан (ХОҚ) 2022 йилда Хитойнинг Пекин шаҳрида бўлиб ўтадиган Олимпиада ўйинларини бошқа муддатга кўчиришга чақирди.
Швейцария Миллий олимпия қўмитаси раҳбари Ралф Стокли бу таклифни коронавирус билан боғлиқ мураккаб вазият билан боғлиқлигини тушунтирди.
“Биз деярли ҳар куни спортчилар коронавирус билан касалланганлигини эшитмоқдамиз. Шунинг учун улар Олимпиадага йўлланмани қўлга кирита олмаслиги маълум бўлиб қолмоқда. Мусобақа бошланишига оз фурсат қолмоқда. Бироқ, уни бошқа муддатга қолдириш имкониятларини муҳокама қилишимиз мумкин. Агар энг яхши спортчилар Олимпиядада иштирок этолмаса, мусобақа нуфузига таъсир қилиши аниқ”.
Эслатиб ўтамиз, Пекин-2022 қишки Олимпия ўйинлари шу йилнинг 4-20 февраль кунлари бўлиб ўтади.
Аввалроқ, Украина қишки Олимпия ўйинлари мезбонлигини қўлга киритмоқчилиги ва ёзги Олимпия ўйинларига ўзгартириш киритилгани ҳақида хабар берилганди.
Жамшидбек Амиров
