Rossiya bayonotlariga qaramay, Ukraina chegarasida keskinlik saqlanib qolmoqda — Stoltenberg
NATO bosh kotibi аlyans eshiklari boshqa davlatlar uchun ochiqligini taʼkidlagan.
NATO bosh kotibi Yens Stoltenberg Rossiya Ukrainani okupatsiya qilish uchun bahona izlayotganini maʼlum qildi. Bu haqda “Anadolu” agentligi xabar berdi.
Uning so‘zlariga ko‘ra, NATOga istalgan davlat uchun alyans eshiklari ochiq. Shu bilan birga tashkilotgina aʼzo davlatlarning barchasi Ukraina suvereniteti va hududiy yaxlitligiga sodiq.
“Biz buyuk davlatlar boshqalarga o‘z shartlarini o‘tkazgan va qo‘rqitgan davrga qaytishga qarshimiz”, – degan u.
Bosh kotib NATO Moskva bilan muzokaralar stoliga o‘tirishga tayyorligini maʼlum qilgan. Shuningdek, Stoltenbergning fikricha, rossiyaning so‘nggi bayonotlariga qaramay, Ukraina chegarasidagi taranglik kamaymagan.
“Qo‘shin to‘planishi bahorda boshlangan. Biz uning baʼzan kamaganini, baʼzan ko‘payganini kuzatyapmiz, ammo umumiy tendensiya – harbiylar sonining doimiy ravishda oshishi saqlanib qolgan. Tanklarning temiryo‘l platformalariga qo‘yish va ularning maʼlum yo‘nalishda olib ketilishi qo‘shinlarning ortga qaytishini anglatmaydi”, – deb taʼkidlagan siyosatchi.
Avvalroq AQSH Rossiya qo‘shinlarining ortga qaytayotganiga ishonmasligi to‘g‘risida xabar qilingandi.
Jahongir Qo‘ziyev
