BMT Ukraina va Rossiya o‘rtasida urush bo‘lmaydi, deb hisoblaydi

 

Birlashgan Millatlar Tashkiloti Bosh kotibi Antoniu Guterrish Rossiya va ukraina o‘rtasida to‘liq miqyosli urush bo‘lmaydi, deb hisoblaydi. Bu haqda u Myunxen xavfsizlik konferensiyasida aytdi. 

 

“Men hali ham bu urush sodir bo‘lmasligiga ishonaman, lekin agar sodir bo‘lsa, bu falokat bo‘ladi”, — dedi Guterrish.

 

U barchani buning uchun diplomatik saʼy-harakatlar qilishga chaqirdi.

 

Guterrish eslaganidek, jahon tartibi tamoyillarini belgilab beruvchi BMT Nizomida barcha aʼzo davlatlar mojarolarni tinch yo‘l bilan hal qilishlari, bu dunyo qonunchiligi va tinchligiga ziyon yetkazmasliklari, barcha aʼzolar davlatga tahdid qilishdan o‘zini tiyishi kerakligi aniq taʼkidlagan. Kuch ishlatish yoki boshqa davlatning hududiy yaxlitligi yoki siyosiy mustaqilligiga qarshi kuch ishlatish mumkin emas.

 

Bundan tashqari, Guterrish barchani o‘z ritorikasida iloji boricha vazmin bo‘lishga va “o‘tga yog‘ qo‘ymaslikka” chaqirib, dezinformatsiyaning o‘ta xavfli ekanligini taʼkidladi. Nihoyat, BMT Bosh kotibi tashkilot tizimi Ukrainada, xususan, sharqda o‘z faoliyatini davom ettirayotganini taʼkidladi va Ukraina hukumatiga bu boradagi hamkorlik uchun minnatdorchilik bildirdi.

 

Eslatib o‘tamiz, avvalroq NATO bosh kotibi Yens Stoltenberg Rossiya Ukrainani okupatsiya qilish uchun bahona izlayotganini maʼlum qilingandi.

 

Nasiba To‘xtayeva