Birjada “qora kun”, futbol klubini sotgan bank va “kambag‘allashayotgan” Alisher Usmonov
Sanksiyalar Rossiya iqtisodiyotiga qanday ta’sir qildi?
Rossiya 24-fevral kuni Ukraina sharqida maxsus operatsiya boshlashini e’lon qilgach, birin-ketin Buyuk Britaniya, AQSH, Yevroittifoq va Gʻarbning boshqa davlatlari unga qarshi sanksiyadar joriy etdi. Ushbu cheklovlar asosan RF moliyaviy-iqtisodiy sektoriga qaratilgan.
Moskva birjasi uchun qora kun
24-fevral kuni Moskva birjasi tom ma’noda “cho‘kib ketdi”. Moskva vaqti bilan kunduzgi 11.00 da uning indeksi 24 foizga pastladi. Kun davomida rublning dollar va yevroga nisbatan qadrsizlanishi ham davom etdi. Xususan, 1 AQSH dollari 89.6 rubl, 1 yevro esa 99.99 rublni tashkil etdi.
Ayrim ma’lumotlarga ko‘ra, Moskva birjasining bir kunlik yo‘qotishi 150 mlrd dollardan oshdi. Kun davomida unda savdo deyarli to‘xtatib qo‘yildi. 25-fevralda birja biroz o‘sish bilan ochildi. Shuningdek, rubl ancha mustahkamlandi.
Banklar: Futbol klubini sotgan ВТБ va aksiyalari keskin tushib ketgan "Sberbank"
London, Bryussel va Vashington tomonidan rus banklariga ham qaqshatqich zarba berildi. Xususan, Rossiyaning eng yirik banklaridan ВТБ AQSHning SDN ro‘yxatiga kiritildi. Bu eng qattiq cheklovlar joriy etiladigan moliya institutlari ro‘yxati hisoblanadi. Keyinchalik bank o‘z mijozlariga murojaat qilib, cheklovlar chet elda foydalaniladigan plastik kartalarga ta’sir qilishini, shuning uchun xorijdagi foydalanuvchilar pullarni imkon qadar yechib olishi taklif qilingan. Shu bilan birga Sanksiyalar Rossiyadagi mijozlarga hech qanday zarar keltirmasligi ta’kidlangan.
Bank o‘zining boshqa aktivlarini darhol boshqa tashkilotlarga sotib yubordi. Xususan, “Dinamo-Moskva” futbol klubi aksiyalari "Dinamo" jismoniy-tarbiya va sport jamiyatiga, shuningdek, Kiprning RCB Bank’dagi 46.29 foiz ulush bankning boshqa hissadorlariga sotildi.
"Sberbank"ka nisbatan joriy etilgan sanksiya uning aksiyalari 40 foizga pasayib ketishiga olib keldi. Endilikda ushbu tashkilot AQSH dollarida operasiyalarni amalga oshira olmaydi. Bundan tashqari, “Sovkombank”, “Alfa Bank”, “Otkrыtiye”, “Gazprombank” va boshqa yirik banklarga ham cheklovlar joriy etilgan.
Boylar yig‘lagan kun
Rossiyaning maxsus operasiyasi rus oligarxlariga ham og‘ir ta’sir qildi. Bloomberg agentligi so‘nggi sutka ichida rossiyalik milliarderlar boyligi 39 milliard dollarga kamaydi. Eng ko‘p yo‘qotish “LUKoyl” xo‘jayini Vagit Alekperovga to‘g‘ri kelmoqda. U 6.2 milliard dollardan ayrilgan.
Rossiyaning eng boy odami hisoblangan Vladimir Potanin 3 milliard pulini yo‘qotdi. Hozirda uning umumiy boyligi 26.1 milliard dollarga tushib qolgan. Bundan tashqari, “Severstal” direktorlar kengashi raisi Aleksey Mordashov 4.2 milliard dollarga “kambag‘allashdi”.
Bisnesmen Alisher Usmonovni ham sanksiyalar “xursand qildi”. Lekin uning yo‘qotishi boshqa oligarxlar oldida kamroq: Usmonov boyligi 1.2 milliard dollarga kamaydi.
Avvalroq Bayden Ukrainaga qo‘shin jo‘natmasligini aytgandi.
