AQSHda migratsiya inqirozi boshlanishi mumkin
Vakillar palatasi Ichki xavfsizlik vaziridan iste'fo talab qildi.
AQSH ichki xavfsizlik vazirligining maʼlumotiga ko‘ra, o‘tgan yilning oktyabr oyidan joriy yilning fevral oyigacha kamida 220 ming noqonuniy migrant chegarachilardan qochib o‘tgan.
Bu raqamlar orasiga chegaradan o‘tishda qo‘lga olinganlar yo‘q. Shunga qaramay, FoxNews raqamlar juda pasaytirib eʼlon qilinganini aytmoqda.
Buning ustiga, qo‘lga tushgan barcha noqonuniy migrantlar ham vataniga qaytarib yuborilmaydi. Jumladan o‘tgan yilning noyabr oyida AQSHda 173,5 mingdan ortiq, dekabrda 179 ming, yanvarda 62,5 ming noqonuniy migrant qo‘yib yuborilgan.
Bayden adminstratsiyasining yumshoq migratsion siyosatiga qarshi respublikachilar inqirozdan ogohlantirmoqda. Buning fonida vakillar palatasi Ichki xavfsizlik vaziri Alexandro Mayorkasadan isteʼfoga ketishni talab qildi.
Shusiz ham mamlakatda amaldagi prezident Jo Baydenning reytingi tushib ketgan.
