Американинг Emerson College мутахассислари томонидан ўтказилган сўровнома натижалари АҚШнинг собиқ президенти Дональд Трампнинг обрўси амалдаги президент Жо Байдендан баланд эканини кўрсатмоқда.
Якуний натижага кўра, сўралганларнинг 48%и Трампни, 44%и Байденни қўллаб-қувватлашини билдирган.
Натижалар амалдаги президентнинг обрўси тушишда давом этаётганини кўрсатади.
“Сўнгги бир йилда президент Байденнинг ҳаракатлари баҳоси +10 дан -8га тушиб кетди”, - дейди профессор Спенсер Кимбелл.
Тадқиқот муаллифлари аҳолининг пандемиядан хавотирини ҳам ўрганиб чиқди ва бу борада ваҳима пасайганини аниқлади. Аксинча, улар ҳозирги куннинг асосий муаммоси сифатида инляцияни санашмоқда.
Эслатиб ўтамиз, аввалроқ, Трамп 2024 йилдаги президент сайловида иштирок этиш ниятини билдирган.
У ҳатто сайловолди пойгаси учун маблағ йиғишни бошлади.
Шарофат Маҳмудова