Toshkentda “Spark” avtomobili metro ichiga tushib ketdi
Holat bo‘yicha “Toshkent metropoliteni” rasmiy bayonot berdi.
Kecha, 26-fevral kuni tungi soat 23.30 atrofida “Shahriston” metro bekatining chorrahaga yaqin qismida “Spark” avtomobili metroning kirish qismiga tushib ketgan. Hodisaga haydovchining transport boshqaruvini yo‘qotishi sabab bo‘lgan.
Voqea joyiga tibbiyot xodimlari yetib kelishgan va jabrlanuvchilar shifoxonaga olib ketilgan.
“Holat yuzasidan batafsil ma’lumotni dastlabki surushtiruv ishlari yakuniga yetgach, ma’lum qilamiz”, deyilgan rasmiy xabarda.
Avvalroq “Mirzo Ulug‘bek” metro bekatida sirdaryolik erkak o’zini poyezd tagiga tashlagani haqida xabar berilgandi.
Javohirbek TURSUNOV
