Zelenskiy muzokaralar yakuni haqida maʼlumot berdi
Shuningdek, u Moskvaga qarshi yana-da kuchli sanksiyalar qo‘llashni taklif qilgan.
Moskva bilan muzokaralarda Kiyev hozircha ko‘zlangan natijalarga erishmadi. Bu haqda Ukraina prezidenti Vladimir Zelenskiy maʼlum qildi.
“Hozircha biz istagan natijalar yo‘q. Urushni tugatish bo‘yicha Rossiya o‘z pozitsiyasini bildirdi, biz bunga o‘z javobimizni berdik. Biz ayrim signallarni qabul qildik. Delegatsiya Kiyevga qaytgandan so‘ng vaziyatni tahlil qilamiz va shundan keyin muzokaralarning ikkinchi raundiga qanday o‘tishni aniqlaymiz”, – degan u.
Shu bilan birga Ukraina rahbari G‘arb va xalqaro hamjamiyatni yana bir bor Rossiyaga qarshi qattiq sanksiyalar qo‘llashga chaqirdi.
Maʼlumot o‘rnida: Rossiya — Ukraina muzokaralari 28-fevral kuni Belarusning Gomel shahrida bo‘lib o‘tdi. Tomonlar 5 soat davomida muloqot qildi. Tez kunlarda uning ikkinchi raundi bo‘lishi eʼlon qilingan.
Eslatib o‘tamiz, avvalroq AQSHlik ekspert Rossiya Ukrainada taktikasini o‘zgartirganini maʼlum qilgandi.
