Ming kubometr gaz narxi 2400 dollardan oshdi
Gaz narxi ketma-ket uch kun rekord o‘rnatmoqda.
Yevropa birjasida gaz narxi ketma-ket uchinchi kun tarixiy rekordni yangiladi. Juma, 4 mart kuni gaz narxi ming kubometriga 2400 dollardan oshdi. Londonning ICE Futures birjasi ko‘rsatkichlari shundan dalolat bermoqda.
Niderlandiyaning TTF fyucher xabida ming kubometr gaz narx 2391,6 dollarni ko‘rsatmoqda. Umumiy hisobda gaz narxi savdo boshidan 31%dan ko‘proqqa o‘sgan.
Yevropada gaz narxining oldingi rekordi bir kun oldin, ming kubometrga 2 279 dollarga yetganda qayd etilgan.
Yevropada gaz narxi bir necha oydan beri ko‘tarilib kelayotgandi. Ammo Rossiya — Ukraina vaziyati jarayonni tezlashtirib yubordi.
