Fransuz energetik kompaniyasi rahbari Rossiyadan qaramlikni tan oldi
Sanksiyalar ortidan neft va gaz narxi keskin oshishda davom etmoqda.
Yevropa Ittifoqi Rossiya gaziga to‘liq muqobil variant topa olmaydi. Bu haqda Engie fransuz energetika konserni rahbari Katrin Makgregor maʼlum qildi.
"Biz hozirda egalik qilayotgan resurslar cheklangan. Ular biz Rossiyadan olayotgan barcha gaz hajmining o‘rnini bosolmaydi", — degan u.
U YEI isteʼmol qiladigan 40 foiz gaz Moskva tomonidan yetkazib berilishini eslatdi. Yevropa Sharqidagi ayrim davlatlarda esa bu ko‘rsatkich 100 foizni tashkil etadi.
"Yetkazib berishning to‘xtatib qo‘yilishi og‘ir va tezkor oqibatlarni keltirib chiqarardi. Bunday vaziyatda biz yangi energetik reallikka kirgan va unda misli ko‘rilmagan tariflar bo‘lardi", — deb qayd etgan tadbirkor.
Makgregor, shuningdek, Yevroittifoq ruch ko‘miridan yana-da qaramligini taʼkidlagan.
Maʼlumot o‘rnida: 25 fevral kuni Rossiya Ukrainaga qarshi maxsus operatsiya boshlagach, G‘arb Moskvaga qarshi sanksiyalar joriy etdi. Ushbu omil va geosiyosiy o‘zgarishlar gaz va neft narxining keskin oshishiga olib keldi. Hozirda Brent markali neftning bir barreli 130 dollardan oshdi. Bu tarixiy rekord hisoblanadi.
Eslatib o‘tamiz, avvalroq Yevropada ming kubometr gaz narxi 2400 dollardan oshgani to‘g‘risida xabar berilgandi.
