Минг кубометр газ нархи 2400 доллардан ошди
Газ нархи кетма-кет уч кун рекорд ўрнатмоқда.
Европа биржасида газ нархи кетма-кет учинчи кун тарихий рекордни янгилади. Жума, 4 март куни газ нархи минг кубометрига 2400 доллардан ошди. Лондоннинг ICE Futures биржаси кўрсаткичлари шундан далолат бермоқда.
Нидерландиянинг TTF фьючер хабида минг кубометр газ нарх 2391,6 долларни кўрсатмоқда. Умумий ҳисобда газ нархи савдо бошидан 31%дан кўпроққа ўсган.
Европада газ нархининг олдинги рекорди бир кун олдин, минг кубометрга 2 279 долларга етганда қайд этилган.
Европада газ нархи бир неча ойдан бери кўтарилиб келаётганди. Аммо Россия — Украина вазияти жараённи тезлаштириб юборди.
