Farhod Arziyev yirik xalqaro bank rahbari bilan uchrashdi
Uchrashuv Pekinda bo‘lib o‘tgan.
Osiyo infratuzilma investitsiyalari banki va O‘zbekistonning Xitoydagi elchisi uchrashuvi bo‘lib o‘tdi. Bu haqda "Dunyo" AA xabar berdi.
Elchi Farhod Arziyev va bank prezidenti Szin Lisyun mulqoti Pekinda bo‘lib o‘tgan. Szin Lisyun bank va O‘zbekiston o‘rtasidagi munosabatlar rivojini yuksak baholagan. U O‘zbekistondagi islohotlar ushbu moliya institutining mamlakatimizdagi faoliyati samaradorligining bosh omili ekanini ta’kidlagan.
"Biz O‘zbekiston bilan hamkorligimiz va faol muloqotimizdan mamnunmiz", — degan bank prezidenti.
Szin Lisyun O‘zbekistonga keyingi tashrifi davomida Osiyo infratuzilma investitsiyalari banki bilan birgalikda amalga oshirilayotgan loyihalarni borib ko‘rishini ma’lum qilgan.
Avvalroq Shavkat Mirziyoyev Toshkent xalqaro investitsion forumini o‘tkazilishi munosabati bilan yig‘ilish o‘tkazgan edi.
