Bayden Rossiya nimadan umidvor bo‘lganini taxmin qildi
Uning fikricha, Moskva bu maqsadiga erisha olmagan.
Jozef Bayden NATO ustavining 5-moddasini “muqaddas majburiyat” deb atadi. Bu haqda “RIA Novosti” xabar berdi.
Alyans ustavining 5-moddasi tashkilotga a’zo biror davlat tashqi agressiyaga uchragan taqdirda, boshqa a’zo mamlakatlar ximoyalanayotgan davlatga harbiy yordam berishini nazarda tutadi.
“Biz 5 moddani alyansning har bir a’zosi uchun muqaddas majburiyat sifatida bilamiz”, degan u Polsha prezidenti Anjey Duda bilan uchrashuvda.
Shuningdek, u Ukraina atrofidagi vaziyatda Shimoliy Atlantika ittifoqi mutloq birlashishganini ma’lum qilgan. U Rossiyaning NATO davlatlari kelishmovchiligini kutganini, ammo bunga erisha olmaganini qayd etdi.
“Biz birligimizni saqlab qoldik. Fikrimcha, qadamlarimizni ittifoqchilarimiz bilan muvofiqlashtirayotganimiz o‘ta muhim”, deb qo‘shimcha qilgan AQSH yetakchisi.
Avvalroq AQSH milliy xavfsizlik strategiyasida Rossiya asosiy tahdid sifatida belgilanishi to‘g‘risida xabar berilgandi.
