Aleksey Fomovskiy velosport bo‘yicha Osiyo chempionatida kumush medalni qo‘lga kiritdi
Shu tariqa o‘zbekistonlik velosportchilar qo‘lga kiritgan medallar soni 3 taga yetgan.
Tojikiston poytaxti Dushanbe shahrida o‘tayotgan velosportning shosse yo‘nalishi bo‘yicha Osiyo chempionatida o‘zbekistonlik vakil ham sovrindorga aylandi.
23 yoshgacha bo‘lgan erkaklar o‘rtasidagi shaxsiy poygalarda sportchi Aleksey Fomovskiy marraga ikkinchi bo‘lib yetib keldi va kumush medalga sazovor bo‘ldi.
Ushbu yo‘nalishda oltin medalni bahraynlik sportchi qo‘lga kiritgan bo‘lsa, kuchli uchlikka Eron terma jamoasi a’zosi yakun yasab berdi.
Shu tariqa o‘zbekistonlik velosportchilarning Osiyo chempionatida qo‘lga kiritgan medallari soni 3 taga yetdi. Jumladan, kecha ayollar jamoaviy bahslarda oltin medalga sazovor bo‘lishgan edi. Bugun esa Anna Kuskova terma jamoa hisobiga navbatdagi oltin medal qo‘shib qo‘ydi. Ular qatoridan Fomovskiyning kumush medali ham joy oldi.
Bundan tashqari, para velosportchilar Tojikistonda o‘tayotgan Osiyo chempionatidan 10 ta medal bilan qaytishdi.
