Namanganda 3 egizak dunyoga keldi
Chaqaloqlarga Muhammad Sodiq, Muhammad Ali va Muhammad Yusuf deb ism qo‘yilgan.
Namangan viloyatidagi shahar tug‘ruq kompleksida bir yo‘la uch egizak tug‘ildi. Bu haqda UzA axborot agentligi xabar bermoqda.
Ma’lum qilinishicha, egizaklarning barchasi o‘g‘il farzand. Ularni Kosonsoy tumanining Chindovul mahallasida istiqomat qiluvchi 27 yoshli ayol dunyoga keltirgan. Bu tug‘ruqdan avval ayolning farzandlari ikki nafar edi, ularning soni besh nafarga yetdi.
Chaqaloqlarning birinchi va ikkinchisi 2400 gr, kenjatoyi esa 2000 gr vaznda tavallud topgan. Uch egizakning salomatligi hozirda barqaror va tetik. Chaqaloqlarga Muhammad Sodiq, Muhammad Ali, Muhammad Yusuf deb ismlar qo‘yilgan.
Avvalroq Toshkent shahrida IIB xodimi 4 egizak farzandli bo’lgani xabar qilingandi.
