Oksana Chusovitina Bokudagi musobaqada Jahon kubogini qo‘lga kiritdi
46 yoshli gimnastikachi ikkita oltin va bitta kumush medalga sozovor bo‘lgan.
Ozarbayjon poytaxti Boku shahrida sport gimnastikasi bo‘yicha bo‘lib o‘tayotgan Jahon kubogi masobaqalarida Oksana Chusovitina ham ishtirok etib, yana bir karra g‘olib bo‘ldi.
Gimnastikachi tayanib sakrash mashqi bo‘yicha o‘tkazilgan final bahslarida 13,266 ball bilan 1-o‘rinni egallagan. Keyingi o‘rinlarni mos ravishda Vengriya vakilasi Mariya Ksenje Bakskay hamda sloveniyalik Tesha Belak qo‘lga kiritgan.
Jami to‘rt bosqichdan iborat bo‘lgan ushbu musobaqaning uchta bosqichida qatnashib, ularda ikkita oltin va bitta kumush medalga sazovor bo‘lgan O‘zbekiston sport gimnastikasi faxri bo‘lgan Oksana tayanib sakrash yo‘nalishida Jahon kubogi sohibasiga aylangan. Bundan tashqari Chusovitina qimmatli reyting ochkolarini ham qo‘lga kiritgan.
