Toshkentda “Mercedes-benz” yonib ketdi
YHXX hodisa sababini ma’lum qildi.
Rasmiy xabarga ko‘ra, voqea bugun, 10-aprel kuni soat 13.40 atrofida Mirzo Ulug‘bek tumanining “Mustaqillik” shoxko‘chasidagi “Pushkin” metro bekati oldida sodir bo‘lgan. “Mercedes-benz GL 500” rusumli avtomobilning dvigatel qismidagi elektr simlarining qisqa tutashuvi yong‘inga sabab bo‘lgan.
O‘t o‘chiruvchilar voqea joyiga zudlik bilan yetib borgan va yong‘in bartaraf etilgan. Hodisa oqibatida tan jarohati olgan fuqarolar yo‘q. Transport vositasiga zarar yetgan.
Hozirda mazkur holat yuzasidan Toshkent shahar FVB va YHXB xodimlari tomonidan surishtiruv harakatlari olib borilmoqda.
