Filippinda Megi to‘foni tufayli 50 dan ortiq inson halok bo'ldi
27 nafar inson bedarak yo‘qolgan va 100 ga yaqin kishi jarohatlangan
Filippinda “Megi” to‘fon oqibatida yuzaga kelgan ko‘chki va suv toshqinlari oqibatida qurbon bo’lganlar soni 58 nafarga yetdi. Bu haqda “Известия” xabar berdi.
Leyte provinsiyasida vayronalar ostidan 47 kishining jasadi topilgan. Yana 27 nafar inson bedarak yo‘qolgan va 100 ga yaqin kishi jarohatlangan.
Qidiruv ishlari noqulay ob-havo sharoiti tufayli murakkablashmoqda. Harbiylar politsiya va o't o'chiruvchilar qutqaruv ishlariga qo'shilgan.
Ma’lumot uchun To‘fon 10-aprel, yakshanba kuni boshlangan va keng ko‘lamli suv toshqini va ko‘chkilarga olib kelgan, respublikaning sakkizta viloyatida 136,3 mingdan ortiq aholi jabrlangan. Natijada 29,2 mingdan ortiq oila o‘z uylarini tashlab chiqishga majbur bo’lgan. Qayd etilishicha, “Megi” joriy yilda mamlakatdagi eng kuchli bo‘ron bo‘lgan.
Eslatib o’tamiz, avvalroq Braziliyada suv toshqini oqibatida 15 kish qurboni bo'lgani ma’lum qilingandi.
