Baydenning itining “kirdikorlari” fosh etildi
U ketma-ket 8 kun maxfiy xizmat agentlariga hujum qilgan.
AQSH Baydenlar oilasining Mayor laqabli iti ketma-ket sakkiz kun maxfiy xizmat agentlariga hujum qildi. Bu maʼlumot sir saqlangan edi, ammo ommaga chiqib ketdi. Agentlardan biri prezidentdan yirtilgan paltosi uchun to‘lov ham talab qilgan.
Mayor Oq uyga kelishi bilan muammo tug‘dira boshlagan. Ammo yaqinda AQSHning birinchi shaxslarini qo‘riqlaydigan maxfiy xizmat rahbariyati uning sho‘xliklarini yashirib kelgani ochiqlandi.
Mayorning “qilmishlari” eʼlon qilingan maʼlumotda aytilganidan og‘irroq bo‘lishi mumkin.
“Mayor burchakdan chiqib, menga tashlanganida egnimdagi jun paltom yirtilib ketdi. Bunda mening aybim yo‘q edi va bu holatdan qochib qutula olmadim”, - degan prezident itidan jabrlangan agentlardan biri.
U ish beruvchidan 500 dollar kompensatsiya ham talab qilgan. Ammo ish nima bilan yakunlangani haligacha nomaʼlum.
Avvalroq Qo‘shma Shtatlar prezident Jo Bayden siyosati tufayli misli ko‘rilmagan oziq-ovqat tanqisligi yuzaga kelmayotgani haqida xabar bergan edik.
