Qirg‘iziston Tashqi ishlar vaziri ishdan ketdi
Uning o‘rniga kim tayinlangani ma’lum qilindi.
Qirg‘iziston tashqi ishlar vaziri Ruslan Kazakboyevning iste’foga chiqdi. Bu haqda Prezident matbuot xizmati xabar berdi.
“Qirg‘iziston prezidenti Sadir Japarov farmonni imzoladi, Unga ko‘ra, Ruslan Kazakboyev tashqi ishlar vaziri lavozimidan ozod etildi”, — deyiladi rasmiy xabarda.
Keyinroq matbuot xizmati Jeyenbek Kulubayev Qirg‘iziston tashqi ishlar vaziri vazifasini bajaruvchi etib tayinlanganini ma’lum qildi.
Avvalroq Qirg‘izistonda O‘zbekiston mablag‘lari evaziga qurilgan 330 o‘rinli yangi maktab ochilgani xabar qilingandi.
