Ilmiy-tadqiqot institutida sodir bo‘lgan yong‘in tafsilotlari ochiqlandi
Yong‘in vayronalarini tozalashga 150 kishi jalb qilingan.
Rossiyaning Tver shahridagi Havo va kosmik mudofaa qo‘shinlari markaziy ilmiy-tadqiqot institutida sodir bo‘lgan yong‘in oqibatida 17 ta kishi halok bo‘ldi.
Sog‘liqni saqlash vazirligi maʼlumotlariga ko‘ra, Tver viloyatidagi yong‘in vayronalarini tozalashga 150 kishi jalb qilingan.
Tver viloyati sog‘liqni saqlash xizmati maʼlumotlariga ko‘ra, 13 kishi kasalxonaga yotqizilgan, jumladan 5 nafari reanimatsiya bo‘limida, ularning ahvoli og‘ir, ammo barqaror. Ularning tuzalib ketishiga umid bor.
Avvalroq 11 nafar kishi kasalxonaga yotqizilgani haqida xabar bergandi.
Tadqiqot institutida yong‘in payshanba kuni sodir bo‘lgan. Yong‘in 22,5 km maydonni qamrab olgan. Binodan 54 kishi qutqarilgan, 98 kishi evakuatsiya qilingan. 30 ga yaqin kishi jarohatlangan.
Dastlabki maʼlumotlarga ko‘ra, yong‘inga elektr tarmog‘idagi muammo sabab bo‘lgan. Yong‘in katta hududga yoyilishiga o‘t o‘chiruvchilarning kechikib kelishi sabab bo‘lgan bo‘lishi mumkin.
