Ramazon hayiti kuni metropoliten ish rejimida o‘zgarish bo‘ladi
2-may kuni Toshkent metrosi soat 04.00 dan boshlab harakatlanadi.
2-may — Ramazon hayiti bayrami munosabati bilan yo‘lovchilarga qulaylik yaratish maqsadida Toshkent metropoliteni tonggi soat 04:00 dan kechki soat 00:00 ga qadar o‘z ish faoliyatini olib boradi. Bu haqda metropolitеn axborot xizmati xabar berdi.
3–4-may kunlari metro yakshanba kuni uchun tasdiqlangan jadval asosida, ya’ni soat 05:00 dan 00:00 gacha harakatlanadi.
Eslatib o‘tamiz, avvalroq namozxonlarga qulaylik yaratish maqsadida “Novza” metro bekatida 1-vestibyulning yo‘lovchilarga xizmat ko‘rsatish vaqti uzaytirilgandi.
