“Tolibon” 100 mingdan ziyod kishini armiyaga jalb qildi
Bu haqda Afg‘oniston mudofaa vazirligi maʼlumot berdi.
“Tolibon” harakati 2021 yil yozidan buyon Afg‘oniston armiyasiga 130 ming kishini jalb qildi. Bu haqda Afg‘oniston mudofaa vazirligi rasmiy vakili Inoyatulloh Xorazmiy maʼlum qildi.
“Muntazam armiyaga 130 ming kishi jalb qilingan va bu jarayon davom etmoqda. Shundan keyin afg‘onlar mustaqil, yaxshi tayyorlangan va o‘z ishiga sadoqatli harbiylarni ko‘rishadi. Ular xavfsizlikni taʼminlaydi va afg‘on zaminini va chegaralarni mustaqil himoya qiladi”, – degan u.
Avvalroq Pentagon “Tolibon”ning “Al-Qoida” taʼsirining kuchayishiga yo‘l qo‘ymaganini maʼlum qilgandi.
