Толиблар “Ал-Қоида”ни тийиб туриш бўйича ваъдасини бажарди. Бу ҳақда Пентагон разведка бошқармаси директори генерал-лейтенант Скотт Берриер маълум қилди.
Генералнинг сўзларига кўра, “Ал-Қоида” халқаро террорчилик гуруҳининг раҳбариятини тиклаш бўйича муаммолар бўлган. Аммо “Толибон” унинг тикланишига имкон бермаган.
Берриер уни кўпроқ ИШИД хавотирга солаётганини айтган. Аммо унинг қўшимча қилишича, ИШИДнинг Афғонистон ташқарисида мустақил терактларни амалга ошира олиши учун бир йилдан ортиқроқ, “Ал-Қоида”га эса ундан ҳам кўпроқ вақт керак.
Аввалроқ Тожикистон "Толибон"га афғон самолёт ва вертолётларини қайтармаслигини маълум қилганди.