Xakerlar Malayziya fuqarolari to‘g‘risidagi maʼlumotlarni sotuvga qo‘ydi
Gap mamlakatning 70 foiz aholisi haqida ketmoqda.
Malayziya aholisining 70 foizi to‘g‘risidagi maʼlumotlar xakerlar tomonidan sotuvga qo‘yildi. Bu haqda “TASS” xabar berdi.
Unga ko‘ra, kiberjinoyatchilar 1940-2004 yilda tug‘ilgan malayziyaliklarning maʼlumotlarini o‘g‘irlagan. U 10 ming dollarga sotuvga chiqarilgan. Shuningdek, bu yangilangan maʼlumotlar bazasi ekanligi aytilmoqda.
Shu bilan birga Malayziya ichki ishlar vaziri Xamza Zayniddin buni inkor qilib, milliy xavfsizlik tizimini mustahkam ekanini maʼlum qilgan.
Malayziyada 32 milliondan ortiq aholi istiqomat qiladi.
Avvalroq Xitoyda ayg‘oqchilik dasturi aniqlangani to‘g‘risida xabar berilgandi.
