Хитойда вирусли дастур аниқланди
Ундан кибер айғоқчилик мақсадида фойдаланган бўлиши мумкин.
Хитойда АҚШ миллий хавфсизлик агентлиги томонидан фойдаланилаётган троян вирусли дастур аниқланди.
Бу ҳақда Global Times хабар берди.
Ушбу дастур NOPEN деб номланиб, ундан компьютер фойдаланувчиларининг махфий маълумотларини бузиб кириш учун фойдаланилган. NOPEN Unix/Linux дастурий таъминотида ишлайди. У мураккаб технология сифатида таърифланади, аниқланиши қийин дастур. Global Times’нинг ёзишича, траян кибер айғоқчиликда кенг фойдаланилади.
Маълумот ўрнида: Аввалроқ февраль ойида Хитойга нисбатан хакерлар ҳужуми кескин кўпайгани тўғрисида хабар берилганди. Унга кўра, Хитой фойдаланувчилари компьютерлари бузиб кирилиб, у орқали учинчи давлатларга киберҳужумлар уюштирилгани маълум қилинган эди. Хакерлар асосан АҚШда жойлашгани, ҳужумларнинг 87 фоизи эса Россияга қарши қаратилгани очиқланган эди.
