Buyuk Britaniya YI o‘rniga yangi ittifoq tuzmoqchi
U asosan Sharqiy Yevropa davlatlarini o‘zida birlashtirishi mumkin.
Buyuk Britaniya bosh vaziri Boris Jonson Yevroittifoqqa muqobil yangi siyosiy, iqtisodiy va harbiy alyans tuzishni taklif qildi. Bu haqda Corriere della Sera gazetasi xabar berdi.
Uning maʼlumotlariga ko‘ra, Jonson taklif qilayotgan ittifoq Ukraina, Polsha, Estoniya, Latviya va Litvani ham o‘z ichiga oladi. Unga keyinroq Turkiyani ham qo‘shish rejalashtirilgan. Ushbu alyans Yevropa Hamdo‘stligi deb ataladi. Jonson o‘z suverenitetiga o‘ta qatʼiy eʼtibor beradigan va liberal iqtisodiyot modeliga ega davlatlarni Hamjamiyat aʼzosi bo‘lishini ilgari surgan.
Buyuk Britaniya bosh vaziri ushbu tashabbusni ilk bor 9 aprelda Kiyevda Vladimir Zelenskiy bilan uchrashuv paytida aytgan. Ukraina tomoni bu taklifga aniq javob bermagan.
Avvalroq London NATOni global darajaga ko‘tarishni taklif qilgandi.
