Toshkent metrosi ishchisi pora bilan qo‘lga tushdi
Avvalroq metropolitenning ikki nafar xodimi yo‘lovchiga xizmat ko‘rsatish madaniyatini qo‘pol tarzda buzgani uchun ishdan olingandi.
Huquqni muhofaza qiluvchi organ xodimlari tomonidan Toshkent metrosi ishchisi pora olayotgan vaqtida ashyoviy dallilar bilan qo‘lga olindi. Bu haqda metpopoliten matbuot xizmati xabar berdi.
Ma’lum qilinishicha, xodim M. S. fuqaro A.Y. ning ushbu korxonaga ishga kirishiga yordam berishi evaziga 400 AQSH dollari pullarini talab qilgan.
Holat yuzasidan O‘zbekiston Respublikasi Transport prokuraturasi o‘ta og‘ir jinoyatlarni tergov qilish bo‘limi tomonidan Toshkent metropolitenida dam olish uyi navbatchisi vazifasida ishlab kelayotgan M.S. ga nisbatan Jinoyat Kodeksining 25, 168-moddasi 3-qismi “b” va 28 ,211-moddasi 1-qismi bilan qo‘zg‘atilgan. Hozirda jinoyat ishi bo‘yicha dastlabki tergov harakatlari olib borilmoqda.
Eslatib o‘tamiz, bundan oldin metroning “Qo‘yliq” bekatida blok-post navbatchisi va operator yo‘lovchiga xizmat ko‘rsatish madaniyatini qo‘pol tarzda buzgani uchun ishdan bo‘shatilgandi.
