Metroda yana nosozlik
“Chilonzor” yo‘nalishida harakatlanib ketayotgan poyezd “Olmazor” bekatida to‘xtab qoldi
“Chilonzor” yo‘nalishida harakatlanib kelayotgan poyezd soat 10:50 lar atrofida elektr taʼminotidagi qisqa nosozlik sabab “Olmazor” bekatida to‘xtadi. Yo‘lovchilar esa bekatdan chiqarildi.
Bu haqda “Toshkent metropoliteni” DUK maʼlum qildi.
Shu sabab, “Chilonzor” yo‘nalishining qolgan bekatlarida ham poyezdlar harakati belgilangan reja jadvalidan o‘zgargan holda bir tomonlama va kichik halqa jadvali asosida harakatlandi.
Holat yuzasidan mutasaddilar tomonidan bir qator ishlar amalga oshirilganidan so‘ng soat 11:58 da nosozlik bartaraf etilib, poyezdlar doimiy jadval asosida harakatlanmoqda.
