Yamandagi yarashuv katta umid bermoqda — AQSH vakili
2 iyun kuni yamanliklar o‘t ochishni to‘xtatishni ikki oyga uzaytirgandi.
Yamanda davom etayotgan yarashuv nizoning tugashiga umid beradi. Bu haqda AQSHning Yaman bo‘yicha maxsus vakili Tim Linderkin maʼlum qildi.
"Yarashuv cho‘zilib ketgan urushning tugashiga umid beradi. jangovar harakatlarning intensivligi sezilarli darajada kamaydi. Eng muhimi — yamanliklar yarashuv natijalarini ko‘ra olishlari kerak", — degan diplomat.
Uning qo‘shimcha qilishicha, nizolashayotgan tomonlar o‘zaro yon berishlarga bordi. Shuningdek, Linderkin o‘zaro muzokaralar o‘tkazilishiga umid bildirgan.
Maʼlumot o‘rnida: 30 martdan 7 aprelgacha Ar-Riyodda yamanliklararo muzokaralar bo‘lib o‘tdi. Natijada nizolashayotgan tomonlar 2 oyga o‘t ochishni to‘xtatishga kelishib oldi. 2 iyun kuni bu jarayon yana ikki oyga uzaytirildi.
Yamanda fuqarolar urushi 2014 yilda avj olib ketdi. O‘shanda Eron tomonidan qo‘llab-quvvatlanadigan xusiylar Sanani egallab oladi va rasmiy hukumatni mamlakatdan tark etishga majbur qiladi. 2015 yilda Saudiya Arabistoni boshchiligidagi arab davlatlari koalitsiyasi mojaroga aralashadi.
Tahlilchilar urush davomida 14.5 ming tinch aholi vakillari halok bo‘lganini maʼlum qilgan. Shuningdek, harbiy harakatlar dunyodagi eng yirik gumanitar inqiroz paydo bo‘lishiga sabab bo‘ladi.
Avvalroq Yaman xusiylari bolalarni urushga jalb qilmaslikka rozi bo‘lgandi.
